Татарстанда МХО катнашучыларына ярдәм чараларын арттырдылар

Татарстанның муниципаль регистры 2026 елның 1 июленә махсус хәрби операциядә катнашучыларга һәм аларның гаилә әгъзаларына ярдәм итүнең 3 094 чарасын үз эченә ала. Барлык чаралар 16 юнәлеш буенча бүленгән. Бу хакта Татарстан Республикасы юстиция министры урынбасары Мөхәррәм Ибәтов хәбәр итте.

Аның сүзләренчә, апрель башыннан бастырылган муниципаль актлар саны 12 позициягә арткан. 1 апрельгә регистрда 3 082 ярдәм чарасы турында мәгълүматлар бар иде, ә ел уртасында аларның саны 3 094 кә кадәр артты.

Чараларның күп өлеше МХО катнашучыларына һәм аларның туганнарына салым һәм финанс йөкләнешен киметүгә юнәлдерелгән. Үзара салым акчасын түләүдән азат итү турындагы карарлар аеруча киң таралган.

Шулай ук Татарстанда физик затларны җир салымыннан һәм мөлкәт салымыннан азат итү чаралары актив кулланыла.

МХОда катнашучыларның гаиләләренә ярдәм итүгә аерым игътибар бирелә. Мондый чаралар арасында — мәктәп укучылары өчен түләүсез кайнар ашау һәм ата-аналарны балалар бакчасы өчен айлык түләүдән азат итү.

Ибәтов билгеләп үткәнчә, ярдәм чаралары булган муниципаль актларның тулы исемлеге барлык гражданнар өчен дә мәгълүмати ресурслар аша ачык.

Аерым алганда, документлар белән Россия Юстиция министрлыгының Татарстан буенча Идарәсенең рәсми сайтында, республиканың хокукый мәгълүмат порталында һәм норматив хокукый актларның бердәм реестрында танышырга мөмкин.

Моннан тыш, министр урынбасары Татарстан районнарында гамәлдәге ярдәм чаралары турында мәгълүматны газета-журналларда бастыралар һәм мәгълүмат стендларында урнаштыралар, дип өстәде.