Бозылган продукция саткан кибетләргә автоматик рәвештә штраф салыначак

Россиядә срогы чыккан товарларны саткан өчен кибетләргә автомат рәвештә штраф салу Россиядә 1 сентябрьдән башланачак. Бу хакта "РИА Новости«га «Честный знак» дәүләт маркировкасы системасы операторы — перспектив технологияләрне үстерү үзәге Директорлар советы рәисе Михаил Дубин хәбәр итте.

Аның сүзләренчә, яңа система беренче чиратта азык-төлек продуктларына кагылачак. Автомат штрафлар мондый категориядәге срогы чыккан продукцияне сатуның барлык очракларында да кулланылачак.

Дубин штрафларны автомат рәвештә билгеләү механизмын эшләү узган ел ук башлануын искәртте. Аның эш принцибы юл хәрәкәте кагыйдәләрен бозуларны автомат рәвештә теркәү системасына охшаш.

Ул срогы чыккан товарны кассада сату фактын теркәячәк, дип аңлатты.

Шуннан соң автомат рәвештә хокук бозу турында карар проектын формалаштырылачак, аны имзалау өчен контроль органына җибәрәчәкләр. Аннары документ «Госуслуги» порталында оешманың шәхси кабинетына керәчәк, шуннан соң хокук бозучыга штраф билгеләячәкләр.

Моннан тыш, Дубин хәбәр иткәнчә, Росздравнадзор автомат штрафлар механизмын фармацевтика тармагына да таратырга тәкъдим иткән. Аның сүзләренчә, әгәр мондый карар дәүләт дәрәҗәсендә кабул ителсә, маркировка системасы операторы аны гамәлгә ашыруны техник яктан тәэмин итәргә әзер.