Алабугалыларны чараларга бай шимбә көтә

Ленин мәйданында «Пир в мир» гастрофестивале

«Пир в мир» традицион гастрономия фестивале 17:00 сәгатьтә башлана.

Төп вакыйга «Друзья» лаунж-кафесыннан кулинария мастер-классы булачак. Катнашучыларга бургерларның ике төрен ничек әзерләргә икәнен күрсәтәчәкләр һәм рецепт серләрен ачачаклар.

Музыкаль программаны Яр Чаллыдан «АтаманЪ» кавер-төркеме тәкъдим итәчәк. Сәхнәдә баян, бас-гитара һәм барабаннар катнашында популяр композицияләр яңгыраячак. Кичәне Максим Новиков алып барачак.

Башлана: 17:00

Үткәрү урыны: Ленин мәйданы, Алабуга.

«Живые традиции» фестивале

Тагын бер вакыйга Лекарево авыл мәдәният йорты территориясендә узачак. 15:00 сәгатьтә биредә «Живые традиции» дип исемләнгән милли йолалар фестивале узачак.

Чара Алабуга районының авыл җирлекләрендә җәйге-көзге бәйрәмнәр программасының бер өлеше булачак. Мондый фестивальләр кунакларны җирле мәдәният, тарих һәм халык гореф-гадәтләре белән таныштыра.
Башлана: 15:00

Урын: Лекарево мәдәният йорты территориясе

Керү: ирекле

Яшь чикләве: 0+

Җөри авылында республикакүләм Питрау бәйрәме

Масштаблы бәйрәмнәрне яратучылар Мамадыш районының Җөри авылына бара ала. Тырлау аланында «Питрау» республика керәшен мәдәнияте бәйрәме узачак.

Программа 16:00 сәгатьтә «Айбагыр» балалар мәйданчыгы ачылу белән башланачак. 17:00 сәгатьтә «Чаптар» ат чабышлары, Җөри ярминкәсе һәм «Питрау җырлары» концерты старт ала.

Тантаналы ачылыш 18:00 сәгатьтә була, шуннан соң кунакларны «Дуслык» уртак әйлән-бәйләнгә чакырачаклар.

19:00 сәгатьтән керәшен ишегаллары, Питрау музее, халык уеннары, милли көрәш һәм традицион кухня мәйданчыклары эшләячәк. Программада шулай ук «Керәшен чибәре» конкурсы, танышу аланы, суда күңел ачу, фотозоналар һәм яшьләр чаралары да бар.

20:00 дән кунаклар гармун астына җырлый алачак, ә 23:00 дә учак янында уеннар башланачак. Бәйрәм төн уртасында фейерверк белән тәмамланачак.
Башлана: 16:00

Урын: Тырлау аланы, Мамадыш районының Җөри авылы