Алабугада «Спас гүзәлен» сайладылар

Бүләкләү тантанасы шәһәр ипподромының төп сәхнәсендә узды.

Төп титулны Анастасия Паранина алды. Жюри аның сәләтен һәм ышанычлы чыгышын билгеләп үтте.

Тамашачылар призын тавыш бирү ярдәмендә билгеләделәр. Иң күп тавышны Юлия Сидорова җыйды.

Оештыручылар ассызыклаганча, конкурста катнашу барлык кызлар өчен дә үзләрен күрсәтү, яңа тәҗрибә туплау һәм зур сәхнәгә чыгу мөмкинлеге булды.

Проект командасы конкурс үсүен дәвам итәр һәм Спас ярминкәсенең күркәм традициясенә әверелер дип өметләнә.