Алабуга пенсионерлары республика ярышларыннан бүләкләр белән кайтты

Алабуга пенсионерлары командасы «Өченче яшь» («Третий возраст») XVI республика Спартакиадасының финалында уңышлы чыгыш ясады. Әлеге ярышлар Россия халыклары бердәмлеге елына һәм Татарстанда игълан ителгән Хәрби батырлык һәм хезмәт фидакарьлеге елына багышланган иде.

Спартакиаданың финалында республиканың 20 шәһәреннән һәм 31 районыннан 500дән артык өлкән буын спортчысы катнашты.

Ярыш программасы 7 төрне үз эченә алган иде:

• Йөзү;
• Өстәл теннисы;
• Пулядан ату;
• Җиңел атлетика;
• Дартс;
• Комбинацияле эстафета;
• «Хезмәткә һәм оборонага әзер» (ГТО) Бөтенроссия физкультура-спорт комплексы нормативларын үтәү.

Алабуга командасының нәтиҗәләре:

Безнең спортчылар берничә юнәлештә югары нәтиҗәләр күрсәтте:

• 1 нче урын — йөзү, пуля белән ату һәм ГТО нормативларын үтәү;
• 2 нче урын — дартс буенча;
• 3 нче урын — җиңел атлетикада.

«Көмеш яшьтәге» спортчыларыбызны уңышлы чыгыш ясаулары белән чын күңелдән котлыйбыз һәм аларга яңадан-яңа җиңүләр телибез!