Җиңү көнендә Алабуга районының мәдәният хезмәткәрләре хәрби кием киде һәм халык өчен концерт куйды

Җиңү көнен бәйрәм итүдә берьюлы берничә урында хәрби формадагы кешеләрне күрергә мөмкин иде, алар сугыш еллары җырларын җырладылар һәм биеделәр. Район мәдәният идарәсе хезмәткәрләре — авыл клублары җитәкчеләре шәһәр халкына һәм кунакларга шундый иҗади бүләк әзерләгән.

«Бүген без һәкремне 9 Май белән котлыйбыз. Шәһәрдәшләр, кунаклар бәйрәм хисен тойсыннар, безнең белән бергә ял итсеннәр, ләззәт алсыннар өчен тырышабыз, — дип уртаклашты Малореченскидан Наталья Саутина. — Кешеләр кушылып җырлый, видеога төшерә, үз җырларын тәкъдим итә».

Сүз уңаеннан, аның образы — сәхнә образы гына түгел. «Мин бүген рядовой. Мин тормышта да Гражданнар оборонасы шәфкать туташы, запаста рядовой званиесендә, шуңа күрә минем роль, әйтергә кирәк, тормыштан алынды — өч ел хәрби кафедра. Мәдәнияттә эшлим, чөнки иҗатым белән уртаклашу мөһим», — дип сөйләде ул.

Иҗат бригадасы чыгышлары алабугалылар һәм шәһәр кунаклары өчен көтелмәгән һәм күңелле сюрприз булды. Кешеләр таныш көйләргә бик теләп кушылып җырладылар, биеделәр һәм артистларга бөек бәйрәм белән чын күңелдән котлаулары өчен рәхмәт белдерделәр.