«Безгә ярдәм итеп торалар»: Алексей Песошин Алабугада МХО ветераннары белән аралашты
«Адымнар – Алабуга» полилингваль белем бирү комплексында Татарстан Республикасы премьер-министры Алексей Песошин катнашында бишенче чакырылыш Алабуга муниципаль районы Советының XIII хисап сессиясе узды.
Алабуга районы башлыгы Рөстәм Нуриев 2025 елда социаль-икътисадый һәм сәнәгать үсеше нәтиҗәләре турында сөйләде һәм 2026 елга төп планнарны билгеләде.
Чара башланыр алдыннан Алексей Песошинга махсус операциядә катнашучыларга һәм аларның гаиләләренә ярдәм чаралары турында сөйләделәр. Кунак шулай ук хәрбиләр һәм ветераннар белән аралашты. Алар арасында разведка батальонының штурм ротасының укчы взводы командиры отставкадагы гвардия кече лейтенанты Степан Николаевич Кузнецов та бар иде.
— Мин гомерем буе Алабугада яшим. Мәктәпне тәмамлаганнан һәм армиядә хезмәт иткәннән соң биш ел Алабуга һәм Түбән Кама Эчке эшләр органнарында эшләдем. МХО зонасында контракт буенча ике елга якын хезмәт иттем, ә яраланганнан соң хәрби табиб комиссиясе бәяләмәсе буенча мине запаска җибәрделәр. Мин хәзер инвалидлык төркемен рәсмиләштерәм. Шунысы куандыра, хәзер шәһәр күз алдында яхшы якка үзгәрә: үсә, төзекләнә. Парклар тәртипкә китерелә, йортлар яңгырдан соң гөмбә кебек үсә, яңа микрорайоннар. Яңа кешеләр килә. Безгә, сугышчыларга һәм ветераннарга ярдәм итәләр, — дип сөйләде Степан Кузнецов.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев