Алабуганың «Волки» хоккей командасы Октябрьскийдагы турнирда беренче урынны яулады

Баш тренер Роман Жужгов җитәкчелегендәге Алабуганың «Волки» командасы беренче урынга лаек булды.

Ярышлар барышында команда биш матч уздырды һәм барлык очрашуларда да җиңү яулады. Түбәндәге көндәшләрне бер-бер артлы җиңделәр:

• «Торос» (Нефтекамск) — 3:1;
• «ХК Уфа» (Уфа) — 6:1;
• «HQ» (Уфа) — 9:2;
• «Нарыш-Тау» (Октябрьский) — 4:2;
• «Локо-26» (Лениногорск) — 5:0.

Кертелгән һәм уздырылган шайбалар аермасы 27:6 тәшкил итте.

Команда турнир дәвамында оешкан уен, үзара хезмәттәшлек һәм тотрыклылык күрсәтте.

Турнирның иң яхшы һөҗүмчесе дип Максим Суслеганов танылды.