Алабуганың ашыгыч ярдәм бригадасы узган атнада 431 тапкыр юлга чыккан

Узган атнада (06.04 — 12.04) Алабуга үзәк район хастаханәсенең ашыгыч ярдәм бригадасы кешеләрнең тормышын саклап калу өчен, 431 тапкыр юлга чыккан, шул исәптән, 63 тапкыр алар балалар янына ашыккан.

• Бер атнада 2 юл-транспорт һәлакәте булган, 5 кеше зыян күргән.

• Миокард инфаркты белән кабул итү бүлекләренә 9 кеше китерелгән, 7 кешене инсульт белән хастаханәгә салганнар.

• 48 пациент көнкүрештә һәм урамда төрле җәрәхәтләр алган. Бер кешене йорт мәчесе тешләгән.

• Шулай ук районда бер янгын теркәлгән. Бәхеткә, зыян күрчүеләр юк.

• 40 кеше, шул исәптән 27 бала, респиратор авырулардан зарланган.

Ашыгыч ярдәм бригадаларын 32 тапкыр бер сәбәпсез чакырганнар.