Алабугалыларны «Пир в мир» гастрофестивалендә пылау пешерү серләренә өйрәтәчәкләр

Бу шимбәдә, 21 мартта, Алабугадагы Ленин мәйданы гастрономия бәйрәме үзәгенә әвереләчәк. Шәһәр халкын һәм кунакларны хуш исле пылау, йолдызлы кунаклар һәм бай күңел ачу программасы көтә.

Алабуга атна саен саф һавада очрашулар традициясен дәвам итә. Бу шимбәдә «Пир в мир» гастрономия фестивале аеруча җылы һәм тәмле булырга вәгъдә итә.

Оештыручылар бөтен гаилә өчен төрле активлыклар тәкъдим итә.

Аш-су тамашасы: зур казанда күп итеп пылау әзерләнәчәк. Ачык мастер-класс кысаларында профессиональ шеф-повар осталык серләре белән уртаклашачак.

Йолдызлы кунаклар: фестивальнең махсус кунагы — Татарстан халыклары ассамблеясенең Алабуга районындагы вәкиллеге директоры Зөләйха Эмирбекова.

Күңел ачулар: ялкынлы шоу-программа белән Григорий Галкин һәм Ко чыгыш ясый.

Ярминкә: мәйдандагы сәүдә рәтләрендә яңа җитештерелгән продуктлар һәм кул эшләнмәләре сатып алырга мөмкин булачак.

Гастрофестиваль 21 мартта Ленин мәйданында үткәрелә.

Башлана: 11:30 

Керү ирекле 
(0+).