Алабугалыларны макулатура тапшырып экологик акциядә катнашырга чакыралар

Алабугалыларны шәһәребезнең чисталыгына өлеш кертергә һәм экология турында кайгыртырга чакырабыз. 14 майда «Чебурашка» паркында «Аерып җый, тапшыр һәм булыш!» («Разделяй, сдавай и помогай!») девизы астында икенчел чимал җыю акциясе узачак.

Бу — өйдәге кирәкмәгән әйберләрдән табигать файдасына котылу өчен менә дигән мөмкинлек. Әйдәгез, һәрберебезнең гади гамәлләре дөньяны яхшы якка үзгәртә алуын бергәләп исбатлыйк, чөнки бүгенге гамәлләребез — ул безнең уртак киләчәгебез!

Нәрсәләр кабул ителә?

• Макулатура (газета-журналлар, кәгазь, картон);

• Пластик капкачлар;

• Батарейкалар (кулланылган).

Кайчан һәм кайда?

• Дата: 14 май

• Вакыт: 9:00 дән 13:00 гә кадәр

• Урын: «Чебурашка» паркы

Гаиләгез белән килегез! Тупланган икенчел чималны алып килегез һәм зур эшнең бер өлеше булыгыз.

Дөньяны бергәләп чистарак итик!