Алабугалыларны «Җәй бергә» проекты чараларына чакыралар

Алабугада «Җәй бергә» (Лето вместе) проекты дәвам итә. Бу атнада шәһәр халкы һәм кунаклары өчен ачык һавада спорт, иҗат һәм мәдәни чаралар оештырыла.

8 июньдә иртәнге сәгать 8:00дә «Гуляй парк»ның күзәтү мәйданчыгында Оксана Петрова белән хатха-йога узачак. Катнашучыларга үзләре белән келәм һәм су алырга киңәш ителә.

9 июньдә 18:00дә шул ук урында Ольга Кузнецова белән пилатес дәресе була. Шөгыльләнү өчен шулай ук келәм һәм су кирәк булачак.

10 июньдә чаралар программасы «Чебурашка» паркында оештырыла. 17:00дә Имән өстәл янында Алёна Новикова белән нейрографика дәресе уздырыла. Урыннар саны чикләнгән, теркәлү кирәк. 18:00дә шул ук урында Рушания Баһаутдинова белән инглиз теле клубы эшләячәк. 21:00дә ротонда янында Марат Галләмов белән бачата башлана.

11 июньдә 20:30да амфитеатрда кино күрсәтеләчәк.

12 июньдә иртәнге сәгать 8:00дә Чулман яры буенда Гүзәл Гыйматова белән зарядка һәм иртәнге аш булачак. Үзегез белән келәм, су һәм ризык алырга кирәк.

13 июньдә 18:00дә Альбина Һадиуллина белән пляж волейболы уздырылачак.

«Җәй бергә» — шәһәр администрациясе ярдәме белән Алабуга паркларында җәйге мәдәни чаралар оештыру проекты.