Алабугалылар «Метеор»да сәяхәт итә ала

Дистә еллар йөрми торганнан соң су асты канатларында йөри торган «Метеор-2020» заманча суднолар республиканың төп туристик һәм сәнәгать үзәкләрен яңадан тоташтырды һәм Идел һәм Кама буйлап юлны чын сәяхәткә әйләндерде. Рейслар җомга, шимбә һәм якшәмбе көннәрендә 30 августка кадәр йөри. Маршрут төбәкнең төп туристик нокталары: Казан, Чистай, Түбән Кама, Алабуга, Яр Чаллы аша уза. 

Уңайлы салоннар 120 пассажирны сыйдыра, 20 килограммга кадәр кул йөге алып барырга рөхсәт ителә. Монда шулай ук чәй, кофе эчәргә һәм хәтта тәмле итеп тамак ялгарга мөмкин. Ә пассажирлар өчен кыска вакыт эчендә Татарстанның бай мирасы турында белергә мөмкинлек бирә торган махсус экскурсия программалары эшләнгән. 

Безнең хәбәрчеләр Түбән Камадан Алабугага кадәр йөреп килде һәм тәэсирләре бюеблән уртаклашырга әзер. Безне бортка алган «Метеор» судносы «Герман Серебренников» исемен йөртә (А. М. Горький исемендәге Яшел Үзән заводы директоры хөрмәтенә). Нәкъ менә аның җитәкчелегендә Совет «Метеорлары» һәм башка суднолар төзелгән. 

Сүз уңаеннан, билет бәясе сәфәр ераклыгына карап үзгәрә, шулай ук халыкның төрле категорияләре өчен төрле ташламалар каралган. Тулырак мәгълүматны «ТР флоты» АҖ рәсми сайтында һәм Казан Елга вокзалында белергә була. Мәсәлән, безнең белән бергә Казан һәм Түбән Кама кешеләре дә барды, алар Алабугадагы туганнарын күрергә уңайлы мөмкинлектән файдаланырга булдылар.