Алабугада социаль челтәрләрне тикшерү өчен кибердружиналар булдырыла

Шәһәрдә социаль челтәрләрдә мәгълүмати куркынычларны күзәтү белән шөгыльләнәчәк кибердружиналар барлыкка киләчәк.

Бу хакта үзенең телеграм-каналында район башлыгы Рөстәм Нуриев хәбәр итте.

Тема террорчылыкка каршы комиссия утырышында каралды, анда сүз мәгариф учреждениеләрендә куркынычсызлык чараларын көчәйтү турында барды. Рөстәм Нуриев билгеләп үткәнчә, төп чараларның берсе − кибердружиналар оештыру, шулай ук яшьләр һәм ата-аналар белән аңлату эшен көчәйтү.