Алабугада МХО ветераннары катнашында шәһәр волейбол турниры узды

Турнирда 9 команда әйләнмәле система буенча көч сынашты. Алар арасында махсус операция ветераннары, башкарма комитет хезмәткәрләре, «Тойма» җыелма командасы, РФ Эчке эшләр министрлыгының Алабуга Суворов хәрби училищесы вәкилләре бар иде. «Олимп» спорт мәктәбеннән берьюлы өч команда, Алабуга мәдәният һәм сәнгать көллиятеннән ике команда чыгыш ясады.

Ир-атлар арасында беренче урынны «Олимп» командасы яулады, икенчедә — «Кама-2» (ЕККИ), өченчедә — ЕСВУ. Хатын-кызлар арасында нәтиҗәләр түбәндәгечә: 1 урын — «Тойма» командасы, икенче — «Олимп-2», өченче — «Олимп-1».

СВО ветераннары командасы капитаны Анатолий Томилин нык тора:

— Көндәшләребез көчле, уен бик яхшы узды. Бу матчта 0:2 исәбе белән оттырсак та, безнең өчен алынган тәҗрибә мөһим, чөнки без Рәис Кубогына әзерләнәбез. Күбрәк күнегүләр ясарга, туп кертү, блок кую, пас бирү һәм башка мизгелләр өстендә нигезле эшләргә кирәк. Безнең өчен иң мөһиме — турнирда катнашучыларның барысы да канәгать калды.

Башкарма комитет командасы капитаны Чулпан Билалова аларның күп еллар дәвамында һәвәскәр волейбол белән шөгыльләнүләре турында сөйләде:

— Көндәшләребез лаеклы көрәште һәм безнең өчен күп кенә куркыныч мизгелләр тудырдылар. Кайвакыт хәтта менә-менә оттырырбыз кебек тоелды. Без матчтан бик канәгать һәм чираттагы турнирга чакыру көтәбез.