Алабугада «Кызыл канәфер» Бөтенроссия акциясе башланды

Алабугада ел саен үткәрелә торган «Кызыл канәфер» Бөтенроссия акциясе башланып китте. Чара 22 июньгә кадәр дәвам итәчәк. Аңа беренчеләрдән булып Алабуга муниципаль районы ветераннар советы активистлары кушылды.

«Кызыл канәфер» — ул ил буйлап меңләгән битараф булмаган кешене берләштерүче изге традиция. Һәр Алабуга кешесе аның бер өлеше була һәм Ватанны саклаганнарга ярдәм итүгә үз өлешен кертә ала.

Узган ел «көмеш волонтерлар» аеруча активлык күрсәттеләр. Аларның эше соклангыч: иреклеләр 250 мең сум акча җыйдылар, ул «Память Поколений» хәйрия фондына тапшырылды.

Җыелган барлык акчалар Бөек Ватан сугышы ветераннарына һәм хәрби хәрәкәтләрдә катнашучыларга медицина ярдәме күрсәтүгә юнәлтелә.

«Кызыл канәфер» акциясе 22 июньгә кадәр дәвам итәчәк. Аңа теләге булган һәркем кушыла ала.