Алабугада балалар өчен бәйрәм программасы

Төп чаралар Пионер паркында, «Иллюзион» кинотеатрында һәм Алабуга шәһәрлегендә булачак.

Лагерьлар үз эшен башлый

Сәгать 9:00 дә мәктәп яны һәм шәһәр яны лагерьларында җәйге сәламәтләндерү кампаниясе ачылачак. Шул ук вакытта 40нчы балалар бакчасы базасында «Йолдызлы җәй» дип исемләнгән татар лагере эшли башлаячак.

Пионерлар паркы: концерт, уеннар һәм сюрпризлар

11:00-14:00 сәгатьләрдә Пионер паркында чын бәйрәм марафоны узачак. Сезне көтә:

• «Цвет настроения — лето!» бәйрәм концерты;
• уен мәйданчыклары һәм иҗади остаханәләр;
• аквагрим һәм зур курчаклар;
• флешмоб һәм «Вызов-Fest» футбол фестивале;
• «Мәктәпкә җыенырга ярдәм ит» акциясе;
• «Күңелле стартлар» уенында җиңүчеләрне бүләкләү;
• «Логово дракона» экзотариумы;
• табиблар кабул итү;
• балалар машиналары;
• «Ночные волки» мотоклубыннан интерактив;
• балалар өчен йога.

«Иллюзион»да кино һәм аэрохоккей

«Иллюзион» кинотеатры балаларны 9:00-17:00 сәгатьләрдә «Балалар өчен кино бәйрәменә» чакыра.

10:00-11:00 сәгатьләрдә биредә аэрохоккей буенча турнир узачак.

Алабуга шәһәрлегендә һава еланнарын очыру

Бәйрәм көнен гадәти булмаган чара тәмамлаячак. Сәгать 17:30 да Алабуга шәһәрлегендә «Алабуга» Халыкара мәктәбе белән бергә кулдан ясалган һава еланнарын очыру булачак.

Балаларны һәм әти-әниләрне көтеп калабыз! Барлык чаралар бушлай.

0+