Алабуга укучыларына социаль челтәрләр аша вербовканың куркыныч булуы турында искә төшерделәр

«Барс» яшьләр үзәгендә актуаль темага — популяр мессенджерлар һәм социаль челтәрләр аша терактларны башкаручыларны вербовкалауга багышланган очрашу булды. 

Укучылар тематик фильм карадылар, аннан соң Изге Троица храмы настоятеле Илья ата һәм «Шатлык» мәчете имам-хатыйбы Фәнзил хәзрәт белән әңгәмә булды. Кунаклар мошенниклар һәм террорчылар үз максатлары өчен катлаулы тормыш хәлендә калган, алдауга яки турыдан-туры басымга бирелергә сәләтле, шулай ук җиңел акчага яки радикаль идеяләргә бирешергә сәләтле кешеләрне сайлыйлар, дип ассызыкладылар. Терактларның нәтиҗәләре зыян күрүчеләр өчен дә, башкаручыларның үзләре өчен дә барысына да яхшы билгеле. 

Кунаклар яшүсмерләргә алар бәла-казага эләккән очракта яки аларга кемнеңдер катнашы кирәк булса, авырлыклар белән ялгызы гына көрәшергә ярамый, дип искәрттеләр. Янәшәдә һәрвакыт туганнары, укытучылары, хокук саклау органнары хезмәткәрләре һәм дин әһелләре бар, алар тыңлыйлар һәм ярдәм итәләр. Кунаклар шулай ук укучыларны бер-берсенә карата игелекле һәм игътибарлы булырга, бәхетсезлекне булдырмас өчен булган хәлләрне анализлый белергә өндәделәр.