ХӘБӘРЛӘР
Алабуга районында талпан кадалуның беренче очрагы теркәлде
Алабуга районында талпаннар активлашу сезоны ачылды: Хлыстово авылында яшәүче 4 яшьлек балага урман бете кадалган. Бала шәхси йорт ишегалдында йөргән.
Балага Алабуга үзәк район сырхауханәсенең кабул итү бүлегендә ярдәм күрсәтәләр, талпан лаборатор экспертизага җибәрелә.
Райондагы вәзгыять турында төп фактлар:
- Вакцинация: Бүгенгә планлаштырылган 176 кешенең 144е талпанга каршы прививка ясаткан. Иммунизация чаралары дәвам итә.
- Активлык чоры: Белгечләр кисәтүенчә, талпаннар май аенда һәм июнь башында аеруча куркыныч.
- Талпаннар кайда очрый: Урманда гына түгел, шәһәр паркларында, скверларда һәм бакча участокларында да.
Саклану чаралары:
- Репеллентлар кулланыгыз һәм ябык кием киегез.
- Үзегезне һәм балаларны даими тикшереп торыгыз.
Талпан кадалса: Тиз арада травмпунктка яки ФАПка мөрәҗәгать итегез. Паразитны вакытында чыгару инфекция йоктыру куркынычын киметә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев