Алабуга районында юл буенда һәм чүп контейнерлары янында чүп ташлау очраклары теркәлгән

Санитар-экологик ике айлык кысаларында Идел-Чулман идарәсе инспекторлары «Юл хәрәкәте иминлеге» дәүләт бюджет учреждениесе белгечләре белән берлектә район территориясе буенча рейд үткәрде. Тикшерү барышында автомобиль юллары буйларында, шулай ук чүп контейнерлары янында калдыклар ташлау фактлары ачыкланды.

Рөхсәтсез чүплекләр буенча материаллар карар кабул итү өчен тиешле ведомствога җибәрелде. Тәртип бозучылар административ җаваплылыкка тартылырга мөмкин.