Алабуга мөхтәсибәте фитыр садакаларын таратты: 260 гаиләгә ярдәм күрсәтелде

Алабуга мөхтәсибәте, изге Рамазан ае тәмамлану уңаеннан, мохтаҗ мөселманнарга фитыр садакаларын өләшү буенча масштаблы акция үткәрде. Махсус җыелган акчаларга азык-төлек сатып алынып, мохтаҗ гаиләләргә тапшырылды.

Мохтаҗларның табыннарына бәрәкәт килсен
Быел мөхтәсибәт тарафыннан барлыгы 260 азык-төлек җыелмасы әзерләнде. Һәр пакетка көндәлек тормышта иң кирәкле продуктлар кертелде:

• Төрле ярмалар һәм консервалар;
• Үсемлек мае;
• Чәй һәм шикәр;
• Бәйрәм рухын өстәүче тәм-томнар.

Рәхмәт хисләре белән
Алабуга мөхтәсибәте әлеге изге эшкә өлеш керткән, садакаларын тапшырган һәрбер мөселманга тирән рәхмәтен белдерә. Сезнең игелекле гамәлләрегез дистәләгән гаиләнең табынына бәрәкәт, йөрәкләренә шатлык һәм өмет алып килде.

«Аллаһ Тәгалә кылган игелекләрегезне кабул итсен, малларыгызга бәрәкәт бирсен!» — диелә мөхтәсибәт мөрәҗәгатендә.

Изге эшләр дәвамлы булсын!