Алабуга Борис Березовский фестиваленә әзерләнә

Ел саен ул дистәләгән мең тамашачыга ачык һавада матур урында дөньякүләм танылган музыкантларны ишетү мөмкинлеге бүләк итә. Алабуганы берничә көнгә хис-кичерешләрнең сихри симфониясе чолгап ала.

Быел да безне музыка жанрларының калейдоскобы көтә: симфоник классика, урта гасыр Көнбатыш Европа композиторлары әсәрләре, джаз һәм борынгы рус рухи музыкасы, халык мотивлары һәм автор җырлары.

Тарихи Алабуганың үзәгендә — Шишкин буаларында уза торган Фестиваль кунакларга иң якты һәм онытылмаслык тәэсирләр бүләк итәчәк.

Түбәндәге музыкантларның концерт программалары планлаштырылган:

• Башкортостан симфоник оркестры (Уфа шәһәре)
• Хиба Аль Кавас, Ливан композиторы, опера җырчысы
• Борис Березовский үзе (фортепиано)
• Айгөл Хисмәтуллина (сопрано)
• Игорь Бутманның джаз оркестры
• Баянчы Айдар Сәлахов
• Игорь Лерманның камера оркестры
• Миләүшә Таминдарова хоры
• «GAUGA» төркеме
• Сәйдә Мөхәммәтҗанова һәм башкалар.