«Адымнар-Алабуга» мәктәбе укучысы Татарстанның беренче гүзәле булды

9б сыйныфы укучысы Ралина Муллахмәтова «1 Краса Татарстана» титулын яулады. Алабуга тарихында беренче тапкыр бу титулга безнең чыгарылыш сыйныф укучысы лаек булды, дип хәбәр итә «Адымнар-Алабуга» мәктәбе.

Җиңүгә кадәрге юл озын булган һәм үз өстеңдә җитди эшләүне таләп иткән. «Татарстан гүзәле» конкурсы сәхнәдә үзеңне тота белүне һәм подиумнан узуны гына түгел, ә югары интеллектуаль дәрәҗәне дә күздә тота. Бу җәһәттән Ралинаның бернинди проблемалары да юк — ул укуда да бары тик бик яхшы билгеләренә генә укый.

Ралинаны лаеклы җиңүе белән котлыйбыз!